لاجزى الله حمامه فوق الابراج ناحت - سليمان الهويدي
لاجزى الله حمامه فوق الابراج ناحت
اشغلتني ولا ادري وش بلاها تنوحي
سامره ليلها في برجها مااستراحت
لوهي تندب لها حيٍ لزومٍ بيوحي
ذكرتني ليال باول العمر راحت
قبل تظهر مغاتيرٍ بوجهي تلوحي
آه يافرصتي ضيعتها يوم تاحت
احسبن الليالي الممتعه ماتروحي
كبدي اللي تشادي دلةٍ يوم فاحت
سج عنها المقهوي فوق جمر تفوحي
رفت العين وأذني خمس مرات صاحت
وقام قلبي يهوجس بالهنوفٍ الطموحي
ان ذكرته ولو بيديني اوراق طاحت
حيث حبه مشاركني بعقلي وروحي
عنز ريمٍ على عرق النفود استضاحت
جفله مع ضباب الصبح حس السروحي
وعين شيهانةٍ راجت بجوٍ وماحت
خمرّن الحباري يوم جتهن تموحي
كل الأسرار لك يا صخيف الروح باحت
وان حكولي بغيرك ماني باسمع ولا اوحي