سمر الليالي - صقر النصافي
يامل عين دمعها في هميله
تذرف ذريف غروب جم رسيني
ماهي بلا رمده ولا مستذيله
ولا جيب علم إقرابها ميتيني
تبكي على راعي القرون الجثيله
اللي عوى سرحان بينه وبيني
مير إن مالي بالمقادير حيله
سمر الليالي بذت الاوليني
اليوم لو وقت الطويله ماأخيله
أشرف وأعوّد مانظرته بعيني
لو إن من صوّت لخله يجيله
والله لصوّت لين خلي يجيني
يالله عسى ماهي بفرقا طويله
تلمّنا عقب التفرق ابحيني