ياعنيد - ضاوي العصيمي
لاتردد وانت تدري اني صريح ومن حموله
ومتمسك بالوفا والصدق وسلوم القبايل
طعمونيها هلي جرعات من سن الطفوله
وعاش بي انسان مايرضى عن العليا بدايل
كل مابه من تعاليم الشريعه والرجوله
ومذهب ومنهج وهقوات الصناديد الاوايل
الثنا للي على الغرات مايشعب ذلوله
شايبٍ ماخانته يمناه في مد الجمايل
يوم وجهني ووصاني حفظت اللي يقوله
من وصاته لاتضوي بالمراح الا الاصايل
وانتبه لاتفشي الاسرار وتخون العموله
غفلة الطيب عن الشيمه تقوده للرذايل
والله اني من هذاك اليوم ودلولي دلوله
وانت تدريبي ترفق لاتشد الحمل مايل
ياعنيد الشف لك ميال واسرف في ميوله
وانت قمت تعقد الموضوع والدنيا سهايل
عان قلبي كل ماطاريك دقت له طبوله
قام يوميبي على لاماك والصبر يتهايل
يادخيل اللي عطاك من الحلا ورده ولوله
ثم كساك من الذهب والماس شرطان الجدايل
مدلي سرك واعاهدك الهبايب ماتطوله
والله اني لقف دون العلم ميقاف الصمايل
لاتردد ياغرامٍ ٍحل في قلبي نزوله
العطا مدة كريم وفي كرمك الشك زايل
صارح اللي مايعرف النوم والشكات حوله
اصلح النيه وحرّب والتجاريب الدلايل