جوني ثلاثة - طلال السعيد

جوني ثلاثة كلبوهم محبين
وكلن بنفسه حاجتن ما قضاها

قلت آمروا قالوا نصيناك عانين
وافزع الحال اللي حياته شكاها

الاولى مجبور في داعج العين
لكنها خطبت وغيره خذاها

قلت انت حل مصيبتك يامسكين
تصبر الين النفس تلحق هواها

اما تولع في هوى ناس ثانين
والا تسرح ثم تسرح معاها

والثاني الي عذبه كامل الزين
واقفت وراحت مادرى وش بلاها

قلت انت لاتتبع هوى ناس خالين
واتهين نفسك من سبايب جفاها

نفس العنا بالك تذلك على الشين
خلك عزيز النفس وأقطع رجاها

والثالث اللي ماعرف للمزايين
يبي الهوى ويخاف من منتهاها

قلت انت بالك تدخل الحب هالحين
ليما هذيك البنت ابحث خفاها

كانك لقيت احباب قلبك حبيبين
ادخل واحذر لايصيبك عناها

وكانك لقيت انه نوايا شياطين
بالك توهق بالمحبه وشقاها