قنا عنتر - ماجد الزيد
قنـا عنتـر علـى كفـه خفيـفـه
وتفعـل بالعـدا فعـول(ن) مخيفـه
يصبَّـح مـن يصبَّـح بالطـلايـع
ولا مـن غـار غاراتـه عنيـفـه
تهابه عبـس مـن قبلـي خزاعـه
كـذاك الـي بـه الغايـه شريفـه
وعنتـر صـار مسلـم والقصايـد
يوجهـا مــع المـلـة الحنيـفـه
غزا بحِمْيَرْ علـى اوثـان يعـرب
وهـزَ هُبـل قبـل ياكـل رغيفـه
حشد ابناء معـد(ن) ويـا عـك(ن)
مع انمار(ن) علـى العـزا وزيفـه
رمى درعه (وكش شح) عن ضلوعه
وبانـت لـي نـوايـاه النظيـفـه
على قلبه وشـم سيـف(ن) وكعبـه
وعلـم بالجبابـر ضـرب سيـفـه
خضع له قيصر(ن) من قبل كسرى
-وابو رغال انتفظ من خـوف طيفـه
عما الشوف البعيـد ارتـد خايـب
كسيـر الجيـش مقفـي دون كيفـه
خبطْـه الليـث بليـوث الخـلافـه
وقـام السيـل يهـدر مـن نزيفـه
نزل عنتر علـى عنتـر وصـاروا
ظيوف وكل ظيف(ن)معـه ظيفـه
ابـي حـل الرسالـه فـي رسالـه
مع اقفـاي الشتـاء ماهـو بصيفـه
لـك ابرقـت الرسايـل يالدليهـي
عواصيف(ن) عراصيف(ن)صليفـه
ومثلـك يكشـف اسـرار القصايـد
قنـا عنتـر علـى عنتـر خفيفـه