الجابرية - ماجد الزيد
للجابريّة قـد شحـذت الضامـي
سيف ٍ سليطن ساطين سطّامـي
وللجابريّة قد سرجـت الابجـر
مقدم كموجـن طاميّـن لطامـي
اني على ضرب الجماجم ضاري
لامن تلاقى في الزحوم حسامـي
وان اقبلت شعوا حربـن فانـي
لي ضربتن تدوي لها الاجرامـي
واني على رجز القوافـي ملهـم
عفريت شيصب من رتوج تهامي
صمصامتـي لاشلتهـا ترعبهـم
كبار العمايم فدوتـن لاعمامـي
منسل جبر وقريش بدّي وربعـي
واخوان خضرا جعبتي وسهامي
لاجبت لي قافن لـك الله يـدوي
خسف ٍ ومسخ ٍ زلزلة غمغامـي
والقاف قافي لاضربـت الابهـر
يصبغ خدود الضـاوي التمّامـي
افخر بقافي وكل ربعـي تفخـر
كما يفاخـر بمْحفـوظ اللامـي
القاف فيـه الخنجـر الـيّ دقـه
دقـة محيسـن او فشلفـا يامـي
قافي لاهـو ذا لا ولاهـو هـذا
قافي لكم قاف ولي الصمصامـي
سيفن ضربه البرق دقّـه عامـر
قطّاع مروي نطاع ذا القسّامـي
صحيح قافي بعض حينن باسـم
لكن ماهي ك~بسمـة البسامـي
لامن رأيت الليث نابـه ظاهـر
فالناب موتـن مقدمـن إقدامـي
واليوم يومي غايـرن ومصبّـح
للجابريّة قـد كربـت حزامـي
قافي فداهـا لابغيتـه شيصـب
وليا بغيته مـن حديثـن عامـي
اليوم كلّـن لـي عـدوّ مقـرب
الموت خلفـي والبحـر قدامـي
صدقاني عند النايبـات اعدائـي
ووقت الرخى كل واحدن همامي
الي بوقت الميسـرة يضحكلـي
بالمعسرة يدفـن لـي الالغامـي
والي بوقت اللين يضرب صدره
رمحه بصدري فالنهار الدامـي
آمنـت بـان الله ربّـن واحـد
وكفرت بالاوثـان والاصنامـي
وشدّيت لي ازارن تليـدن بالـي
من سالـف الايـام ذا الهندامـي
بالماضي جيت الجابريّـة واثـق
عملاق عدواني ماتحت اقدامـي
تليدتـن قـد جيتهـا ومخضّـب
من دم قلبي وبالحـزن منسامـي
قالت وهي تبكي انا فدى عمـرك
قلت الذي يفداك قلبـي وهامـي
وانا فدى عينـك فـدى مدمعهـا
جمرن شرر احرق هكا لل لثامي
ان تقبلي تقبـل لمثلـي روحـه
او تدبري تدبـر بـي الايامـي
انتي لك الله يالغلا فـي جسمـي
تجرين مابين الحمي وعظامـي
يانسمة الجو الربيعي من حلـب
وآنا لـك الله قاسيـون الشامـي
بين الجوانح جاريه في صـدري
ميّن طهـورن يمحـي الاثامـي
لاغبتي غاب النور واظلم كونـي
وان تبعدي تنكس جميع اعلامـي
افـداك انـا ياغايتـي ومْـرادي
ياجعل حظنك مسكني وختامـي
يالغاليّة لك نـوّخ الحـب نـوّخ
صادق صدوقن والوفـا الزامـي
يادمّي الّـي محمّـرن بخـدودك
يوم انطلق من قلبـي الصمامـي
ماللبشر خصّن معي في وصفـك
(أ)ضلوعي لك سترن عن الانامي
لكـن وجهـك ايتـن كونـيـه
تنبي بعظـم الخالـق العلامـي
ياطهر كـل الارض يامصلاهـا
محراب مرسولن بشرع اسلامي
ماوالله انّـك مـن صلايـب ادم
لاشيث لايافـث ولامـن سامـي
يانور عيني كـل ذنبـي وذنبـك
ابو جهـل وابليـس والظلاّمـي
ويلاه يوم اقفـوا ثلاثـن واربـع
والقلب محمولن بكف (أ)حمامـي
سحيـت دمعـي ظلّـة رزّامـه
يوم ابعدوبك صب دمعن دامـي
سبع الحدوا بالله بارض الخالـي
ساروا بذنـب منفـذ الاعدامـي
بالله ثـم تالله انــا مناجـزهـم
يافلق جماجمهم يايفلـق هامـي
هل دمعهم الا كدمـع المشـرك
الوائد الي استنصـب الازلامـي
والله لافريهـم لعينـك دهـري
لافري يهود الخالـي بالقطّامـي
يالجابريّـة كـم راسـن بجـدع
كم عايلن يقفـي عـن الايتامـي
يالجابريّـة والله انـي لاضـرب
بمصقل شواظـن حديـد حامـي
يالجابريّـة والله انّـي لاطغـى
بالكافر المرتـد عـن اسلامـي
يالجابـريّـة والله انّـــي والله
لادهدم الخالـي بهـذا العامـي
في سبعتن واحدى عشر لاحرقهم
بالنـاس والصفّـات والانعامـي
يالجابريّة فوق قبـرك لاحـرق
سبعن تغـذّو رامـم العظامـي
موعدهم الليل القريـب الدانـي
لابان لي من بعـد زح اللامـي
القلب صـاح وصيحتـه مقتلهـم
والليل صرصر والفجر صرّامي
الصّبح ينعس والخلايـق تقعـس
والموت يتنفّس له (أ)تضرّامـي
عقود بـرك تفلفلـت ثـم حلّـت
فرّ الشقي من مخرج الابهامـي
فر اللعين وكـر خلفـه عامـر
راسه برمح مدمجـج العرّامـي
جيّشتهم من كـل فـجّ مبـارك
بالعـاف والاخفـاف والاقلامـي
طيبي بمقامك واهتنـي وازورك
بالليـل لاهامتبـي الاحـلامـي
لاسفك ولافتك كل عرقن منهـم
كفّار قيسن فانعمـي ثـم نامـي
يانور عيني فوق قبر (أ)ختمهـا
لاجلك حكمت الساطي السّطامي