التوابع والزوابع - ماجد الزيد
الا يملفق(ن)بالطـاء وصلـك القـاف رد القـاف
عليـك ابياتنـا تعـدي بضبـح(ن) قـدح كالغمّـه
طرقها ماجد ابـن الزيـد لا ظلمـاً ولا اجحـاف
فـلا اسخـاف لا اهـراف لاحكيـن بـلا متمـه
سمعنا عن جواب وخط يشـد ورد وهـو خـراف
يوردهـا علـى كيفـه فكـم مـن ناقص(ن)ذمّـه
على الطاء شـد مطلعهـا وينسبهـا الـى الكتّـاف
يلفقهـا علـى كيـفـه قديـم(ن)خـاوي الهـمّـه
يحسب انـه يجارينـا بمسحوبـه هـك الهـرّاف
على تكسي الشعـر دوار ويخلـد راسـه بصمّـه
تصدرنا ولانرضـى يكـون المجلـس الاطـراف
نـروم العاليـه تأبـى مكارمنـا سـوى القـمّـه
الا لايجهل(ن)جاهـل علينـا ساقـط الاهــداف
فنجهـل فـوق جهـل الجاهليـن ونـورد مطمـه
شربنا من قراح(ن)عذب ماداسـت بـه الاخفـاف
علـى قولـة ابـن كلثـوم يجيـه العلـم ويصّمـه
اذا وصلت لخشم القرم عرم السيـل جـاء شغّـاف
يقش الحيد في دربـه يشيـل الطـرف فـي كمّـه
يتله تل يشلـه شـل ويضـرب بالقوافـي ظـراف
هزال الشعر لـو ترعـى يجيهـا الليـث بمهمّـه
تحت نابـي بشلقهـن وبربطهـنّ خلـف اخـلاف
الا ياويل هاك الهـرف مـن ماجـد ومـن جمّـه
يطول الوقت مايلحق يطول الليـل وهـو ماطـاف
يـدور الوقـت مافـكّـوه لاخـالـه ولا عـمّـه
يحوفه من مهاتيفـي عمـرو سالـم وبـن خـلاّف
سليم(ن)في كتيبـة الـف يشـوح الضـد ويسمّـه
يبي يطاول كرام القـوم اجـل بالله هـذا انصـاف
نزلنـا فـي ظهـر ناجـد وينـزل وادي الرمّـه
ابسئل كل ذو عقل(ن) لبيبن عن بعـض اصنـاف
من الاجناس شذر النـاس سقـط القـوم ثـم ثمّـه
يحسبون المجد هيّن علـى البيّـن فمهنـا خـلاف
يحسبون القمـم يسـره علـى منـلا سكـب دمّـه
توابع بن حمد كل زوبعـي ماجـوا علـى خـواف
حجب الفين وتسع اميّـه وثمـن تسعيـن بالعمّـه
زهير نمير وشيصابان لو جولـك علـى اسـراف
يودونـك بخـط رقعـه الـى أشـهـار بملـمّـه
طروقي جو يلاحق جو دواتـه دو تقـص الهـاف
فـلا يلهيـك مسحوبـك وتنسـى نايـف الضمّـه
سرجت الّي فـلا قبلـي سرجْـه الا قـوي نـوّاف
وزرنا عنتـر العجـلان قـد جيتـه لاجـل شمّـه
هبطنا وادي(ن)غيث(ن) جفل منـا نعـام العـاف
ابـو الخطـار يتلانـا علـى فرس(ن)يتـم تمّـه
بمرج(ن)سمّي دهيمان قـد جيتـه وربـي شـاف
وقفت به واسمع مـن خطيـب الجـن ومـن فمّـه
وقفت بهم بكل عصما على المطلع سمعـت هتـاف
يصـح لسـان بانيهـا وشاعرهـا لـهـم نـمّـه
على صدري خلعت بكـل مطرزت(ن)وبالاكتـاف
والبستوا علـى راسـي عمامـة صاحـب اللمّـه
اتانـي بعـد هـذا كـل غانيـةً لهـنَ اعـطـاف
الا فانكـح مـن الخـرد عليـك الله قـل تـمّـه
فقلت لهـن قـد انكحـت قبـرن مالـه اوصـاف
سابقى الارض احملـه رضيع(ن)فـي يديـن امّـه
فقال(ن)والذي ارسـل محمـد بالقلـم مـع قـاف
بفاتحـة الكتـاب الـى الـه النـاس مـع عـمّـه
سنرحل اينما ترحـل ولـو مزقـن فـي الارداف
سننـزل حيثمـا تنـزل معـك كمعـاود الحـمّـه
فعدت بكل منجزت(ن)ويصحبنـي مـن الاطيـاف
الوفـن بيـن مستشعـر وغاويتـن تبـي خـمّـه
بحدي يعزفن العـود وضـرب الطبـل والادفـاف
سمعت الّي بحـد اذنـي تهامـس لـي لهـا غمّـه
علـى فهمـك بسهلهـا اذا انـك زايـر العـراف
أنـا مـن يدمـغ العـراف لامـن بـان بمـدمّـه
وصلـك القـاف رد القـاف بالاهـزاج يالنّغـاف
مفاعيلن تجـي بـالأف صـح الضـرب لاتزمّـه
سعود النجم طامن طب لصرصر عاصفات اعصاف
مـن قريشـي تحـدر مـن جبورالخالـدي دمّـه