ليه وطيت - متعب التركي
ليه وطيت عن خيل السروج
ليه مديت عقب القراح الهماج
لا تجمل لي الغلطات والعوج عوج
يضحك احجاج او ينعقد لي حجاج
اصبر اشوي وش علمك تهوج وتموج
ميت القلب مثلك مايعرف الهياج
ماتعودت اجامل معتلين البروج
الزم العلم قبل يصير هرجك سماج
المشاعر تحي مثل المعاصير هوج
ونت مالك على هوج الرياح احتجاج
جيت وقلوب حسادي تميل وتروج
لا صفى جوهم ساعه قفاه العجاح
ابتسم لك وهمي فوج يقفاه فوج
من يحبك لزوم ايصر مثلك هجاج
بس قلي ونا غلطان لك ومحجوج
وين يلقون لجروح النواعس علاج
القمر غاب وانت اطفيت نور السروج
قلت يكفيك نور الوجه الاصبح سراج
كن بين الضلوع العوج صفقات موج
يوم فاض الغلا والشوق والقلب هاج
ضيقة الصدر لو بين المحاني تلوج
كل ضيقة لها عند الكريم انفراج
ماهو الغيض سبت كل ابو هالهروج
بس مالي على بعض السوالف مزاج