عذرا - حكمت الناهى
عجب ناس برحيل وناس تبني
على صدور النشامه صخر تبني
غدر بينه الوكت وين آنت يا بني
بصلاة القدر تخشع الروح وتهمل
...
كم رمضان مضى وانت ولا بينت
وكم عيد رحل محروم الولد والبنت
آطياف الاحباب سهم بالقلب نبت
آماني سعيده آهديكم من قلب آثكل
...
ياواهبني الظنه حرموني منه
آنه صابر وروحي هي منه
اريد اطيافهم واحسب على منه
آسئلك قاري الحرف لله آبتهل
...
فراشه لآنسام الورد واهيه بتيه
لون آندل مكانه زحف آتيه
ياوسفه القلب ضيعته وانت بيه
شجن روحي كماني اعزف واسترسل
...
آحن لآهلي وللوطن ولشوفة الناس
وعصافير الصبح صارت لي وناس
خلص عمري يالقدر وانت تظل ناس
صلاة الفجر حانت والغسق ينسل
...
آذكروني ان فقدتم يوم كلماي
آنه روح قاحله عطشى الى الماي
عسى عذابات الرحيل تهدي الماي
عذرا مو قصدي الدمع منكم يهمل