لعنبو بي القصايد - أكرم التلاوي
لعنبو بي القصايد لعنبوها بيت بيت
ولعنبو بي القوافي والحروف الأبجديه
كم كتبت من القصيد وكم على عمري بكيت
كم حزنت ,, وكم فرحت وكم دخلت النرجسيه
بالهوى أكتب قصيده وسطها قلبي حويت
حبرها دمي وتنزف من شراييني شذيه
في ثواني كيف مدري ينهدم كل ( ال ) بنيت
ينتهي عهدن حسبته أول أيامي النديه
وإن حزنت أكتب وأكتب كل ضيقن به شكيت
ما تزايد غير جرحن والنهايه هي ّ َ هي ّ َ
كم كتبت من المديح ورغم هذا ما اعتليت
وكم هجيت بهالقصايد كل آفات البريه
كم نظمت وكم نثرت وكم فقدت وكم رثيت
لا الشعر رجع لي غالي يوم وافته المنيه
الشعر وش هو يفيدك ان كتبت وما ارتقيت
ومن قرا شعرك وصفق وش مكانه بالقضيه ؟
( المعري ) شخص أعمى حرر بلاده ب بيت
واحنا بعيونن سليمه ما تفادينا شظيه
كم كتبنا لاجل الأقصى قمت عدلت ومحيت
ورغم كل أبيات شعري ما قدرت آخذ هويه
ولاجل بغداد القصيده حبرها دمي سقيت
ما استفادت م القصايد غير أنواع الأذيه
البحر رغم إتساعه لو شربته ما ارتويت
ولو ( تفلت ) بوسط جوفه ما تزيده أي شيّا
تشبه البحر القصايد لا عطيته ,, ولا خذيت
ويشبه ( التفلات ) شاعر ما غدا بالشعر حيّا
رحمة الله عـ( المعري ) عايشن فينا وميْت
ورحمة الله لكل شاعر عيشته صارت خطيه