رسمتي للظلم صورة - أكرم التلاوي
كثر ما بالجفا حسره يزيد من اشتعال النار
يكون الوصل مثل الثلج يطّفي قلوب مقهوره
كثر مابالعيون دموع نخفي في هدِرهأأسرار
بتفضحنا معاني الشعروالأبيات وسطوره
كثر حنية أبياتك عليها حزن كآسك دار
تفننتي بأحزانك رسمتي للظلم صوره
و أبدعتي وحق البيت لفتي يمك الأنظار
قدَرتي تنثري الآمال بطيف أحلام مهجوره
وأوقات الفرح يلي نناظرها بألف منظار
عساها يوم تنظرنا ولو هي نظره ميسوره
أحاول أرسم البسمه لطلتها أبي تذكار
ألاقي بسمتي صارت أبد ما هي بمقدوره
أغص بضحكتي واحزن وياخذني الحزن مشوار
ألا يا طول مشواره وألا يا ما اكثر حضوره
أبي أحلم مثل حلمك أبي وردن أبي أزهار
أبي حزني يفارق لي سنين العمر وشهوره
أبي أحيا عمر ثاني ترى مليت (م)التكرار
أبي أفرح أبي أضحك وحزني ينتهي دوره
أبكسر عود وناتي واقطّع كل ابو الاوتار
وبعزف في سما فرحي وحزني بحفر قبوره
عسىِ الفرحه تلاقيها بدربك ليل ويانهار
على زرع الأمل فيني و(ع)الأحلام مشكوره
وصفتي لي دوا حزني بأبياتك وبالأشعار
صدق والله دكتوره ودكتوره ودكتوره