زلة لسان وطيش - أكرم التلاوي

زلة لسان وغلطتي يا لدمرت بيني وبينه
زلة لساني وطيش منه والشكوك الباليه

زهمته آنا بغير إسمه وسالت الدمعه بعينه
وطاح طيح العنب طايح من غصون الداليه

قام يمسح في دموعه والتراب الي بجبينه
وقال يا خاين وقفى بكل نفسن عاليه

جيت أبرر ما سمحلي وشال يدي من يدينه
قال باسمي هم بتغلط وش تكون التاليه ؟

قلت : إسمع دار ظهره قلت : لحظه ودار عينه
قال يكفي لا تبرر ماني لغدرك ساليه

لا تظن اني أبسلى بعد ما ذقت الغبينه
ما كفى طعنك بقلبي بالسنين الخاليه ؟

راح عني من سكني أطلبه وآقول وينه
ما درى إني زهمته بإسم أمي الغاليه