أتونس بشوفج - أكرم التلاوي

أتونس بشوفج ونَس شوفة بدر
يحفظ سوالفنا سوا
يحفظ مواعيد الهوا
يحفظ قصيدي اللي جَتَبته في سحر عينج ولا ضَيَع شطر
أتونس بشوفج وشوفي بسمتي
ترسم خرايط رحلة عيوني وترسم سِجتي
في نهر نَحرِج خَطرة ٍ
وخَطره على ساحل خَصر
تمرجحي يا دنيتي
ما بين سجادة رضا وليلة قدر
تمرجحي ما بين رمش الكستنا
وما بين عنابة ثغر
ما بين تلويحة لُقى
وما بين توديعة خَوي
تكسر ظهر
ذاك الخوي
ذاك الخوي يلي ذبحته داخل عروقي لعينج
يلي جذبتي جذبتج في حق طهره
وقمت انا من طيبتي سددت دينج
يا بنت وش حَدج على عظام اُرقُبَه
وضلع بصدر
وش حد ظلمج تنفثي سُمج بدمي اللي جعلته لج فدا
مرهون في أمر اصبعج
يا بنت وش سويت لج ؟
يومك تحطي بدَلّة ضلوعي جمر
وتلوحي به لين ما احتر الجمر
ثَوَرتي في سَفح الشهم بُرجان
من غِل وقهر
معقوله هالدنيا جذا ؟
ومعقوله هم انتي جذا ؟
تلفين وبصدري ثلج
وتقوطرين وتترجين النار
تعبث بِثلِجه
وتذوب احدّوب الصدر
يا هالصدر يلي تحمل لاجل عينج
كل شي ٍ يزعجه
يا هالصدر يلي زرع قلبه غلا وجَبده صبر
عجيبه هالدنيا ولا فيها الرجا
أهزلج غيم السما
وتمطر على جالج وفا
وتمطر على جالي غدر
أتونس بشوفج ونس شوفة عدو
تِعَرض لبنت البدو عند المسا
ويطيح في يد البدو قبل الفجر