تشبهينك بس - أكرم التلاوي
تشبهين الورد
بس عطرك ...
أحلى من عطر الورود
وتشبهين البحر
بس مدك ..
ما له آماد وحدود
تشبهين الغيم
بس قطرك ..
لا إنحباس ولا قيود
تمطرين
والدفا بردك
تشبهين الشمس
بس نورك ..
ما يغيب وتغربين
تشبهينك بس !
مِن سنين
قبل أعرفك
كنت أناظر في المرايا
لجل أعرف الياس/مين ؟
ومن عرفتك ..
صرت أناظر في عيونك
لجل أعرف الياسمين
وأقرا بعيونك حكايا
عن جنون العاشقين
الأماني ... والأغاني
والرسايل والحنين
وابتسامات الحبايب
لا إلتقوا صدفه بـ/طريق
واحضنت بعض العيون
كن ما به عابرين
في عيونك
تشرق الشمس ..
وتغيب ..
لا من أغمضتي جفونك
والكسوف
لا رمشتي وافتقد رمشك حبيب
كان بعيونك يشوف
يا ضياع إلي عشق مثلك
ومثلي ...
أدمنك وأدمن جنونك
ويا جنونك
لا صحيتي من فجر ربي .. تبي
أكتب بحسنك قصيده
حبرها كحلة عيونك
ويا جنوني ..
لا عجزت أكتب قصيده
وإنتي إلهام القصيده
والورق من زيزفونك
علميني ..
علميني يا الحبيبه
ليه لا مني نويت .. آحبك أكثر
ما قدرت
يعني هو للحب حد ؟
ولا يعني لن حبك
إنوجد أصلا كبير ...
بداخل ضلوعي وانا أكبر
لجل أقدر أحتويه ولا قدرت
وعلميني
ليه لا مني نويت إنّ أسهرك
نامت عيوني عليك ولا سهرت
يعني يمكن ..
إن هذا يكون صد ؟
ولا يعني لنك إنتي
في منامي دايم تكونين أكرم
وتبقي في عيني سنين
عكس ما انتي بالحقيقه
لا حضرتي في دقايق ترحلين
يعني لا مني غفيت
أغفى لجلك وأحلمك
وآكون لجلك قد سهرت !!
وعلميني
ليه لامني حضرت ولا لقيتك
ما شعرت إني حضرت
واجي ثاني بدون موعد ..
وما تجين
ولا أقول إني حضرت
واجي ثاني كل يوم وما تجين ..
ومن تجين ..
أنسى إنك مية مره تخلفين
وانسى إني في غيابك قد حضرت
هذا لنك لا وعدتي
تيجي غد
ما أعِد الغد جا
ولا يصير الغد أمس
لين تيجي وانتي تجيبين غد
ولا أقلك ؟
علميني ..
ليه أحبك بس ؟