ياماجد الجهني - أكرم التلاوي
يا ماجد الجهني منت بماجد الجهني
يوم ان شعرك على نفسي تبلاني
محبط ومهزوز فاقد صدق " صدقني
ما هو بكثري لو لديت تلقاني
أصُبني علقم بفنجاني وأشربني
مدرى تقهوى الهم ولا تقهواني
أكبر مساحه في هالجسد حزني
وأبعد مسافه سرتني طفرة لساني
تقفي بهمك ولكنّ الوعد متني
واقفي بهمي بعيد ولكن ألقاني
نسيت همي وصرت أسأل أنا عني
ومحدن عرفني الا حزني الثاني
ما يغسل القلب حتى رقرقة جفني
هالدمع لولا رحمني الله أعماني
تبي تشوف الحزن يا صاحبي شفني
لا بارك الله بحزني هدم أركاني
حزنك وصلني وقلت أرسل وأنزفني
حزنك بيصغر أكيد بحضرة أحزاني