إفتح يا قبر بابك - أكرم التلاوي
إفتح يا قبر بابك خلص متنا شبعنا موت
نبي نبدى العشق بدري نبي نزهر من ترابك
نبي نصحى شجر وارف نظلل تربتك بالتوت
نبي لا هفهف الغربي ترفرف فوقنا اسرابك
أبي غصني اذا مال الحبيب وضمني بِسْكوت
صدى صوتي حفيف بمسمعه يهمس ( أنا احبابك )
أنا الميت على صدرك زماني في حياة الموت
أنا العايش معك والموت توه جابني وجابك
أنا دمعك ع سجادة قهرنا والدموع قنوت
أنا سعدك ب محراب اللقا ومرتل كتابك
أبي يا قبرنا نصحى نعوض عمرنا المكبوت
أبي نحيا وثم نرجع نخبر مَنْ ورى بابك
ننادي العاشقين الموت قبل انه يفوت الفوت
قبل يا صاحبي العاشق يدوّن عُمرك غيابك
يجوز ان الممات أحلى تعال وجربه به فوت
وخلي دنيتك خلفك تضج تنوح تغتابك
وش اللي تخسره لما تفارقها ( حطام بيوت )
مدامك قِد خذيت اللي هواها آسر لّبابك
تعجل روحها عاشق وناديها ( تجين نموت ؟ )
والا جاتك توسدها نعش قَفِّل به اهدابك