خصر نجوى فؤاد - أكرم التلاوي
يا حي من هي أقبلت كنها قبيله من النسا
لا والله إلا اقبلن بالجمع في صيغة مرا
بكر ٍ حلاها ما سِبق في غير هالطله اكتسى
غيم السما منها انخلق يوم النسا من هالثرا
مرّت وريحة قُربها كنه الشتا يوم احبسا
ربي وساقه بغتة ٍ بعد اللهايب والكرى
هفهف نسيم حضورها ولبيت له عند المسا
لبيه يا ملح الحسن لبيه نورك لا انطرى
ولبيه خصر ٍ لا بغيت اوصفه واجب ادرسا
ادرس ميوله لا انثنى وشلون عن وركه سرى
يخسا خصر نجوى فؤاد الا ايهبا بعد ايخسا
خصر ٍ خلق حصر ٍ لها شلال منساب وجرى
ريم ٍ بخفتها الهوا وفيها الجبل يومه رسى
مملوحة ٍ لا هي اوقفت في لينها البان انبرى
داست ل الارض في كعبها وكنها بها رح تغرسا
الارض لانت تحتها يوم انها تمشي ابخترى
من حقها لا منها تمشي ان مشت في غطرسا
دام ان خلق الله اوقفوا صفين يمنى وميسرى
تمشي وايقاع الكعب معه العيون مسيسا
حتى القلوب اتزامنت دقاتها دون افترى
عثرت ولكن داركتها نفسها وقلت ايعسى
عين انظرت لك واحسدت تفقد نظرها ما ترى
قَفَّت وقلبي خلفها والليل جن ّ وعسعسا
يا ليلة ٍ قضّيتها بليا قُمر ما تنطرى
نامت بهاجوسي هنا لين الصباح اتنفسا
وفكري يغازل زولها اللي باع فيني واشترى