سلهمت لي صورة - أكرم التلاوي
سلهمت لي صورتك يا بنت والله سلهمت لي
سلهمت يا ليت والله ما أنحرم هالسلهمه
لا تقولي أكرم تجنن لا تظني طار عقلي
ليتني لو كنت أكذب ( جِن ّ ) شعري أعدمه
صورتك يوم اوصلتني أذكر إني كِنت أغلي
شفتها غيثن تقاطر فوق صدري وارحمه
جاتني وقالت مراحب آآه لو شفتيه شكلي
يوم نطقت واندهشت وصار نُطقي همهمه
ويوم برقت هالشفايف صدقيني نسيت أهلي
وقمت والله ودي أكتب فيكي أكبر ملّحمه
تبوسمت لي هالشفايف ما أحد محظوظ مثلي
شفت نص الكون غارق وسط رعشة مبسمه
وشفت نص الكون الآخر بابتسامه صار مبلي
وده يغرق بس لكن طاح حظه واحرمه
وشفت أنا وش هالجمال ال ما ظهر لانسان قبلي
وشفت حسنن لو وصفته والله إني بظلمه
كنت تايه في عيونك شفتها ولَمييت شملي
وكل جزئن تاه مني قمت أدَوِّر وازهمه
( أورجنال ) إنتي وأقصد إنك إنتي شي أصلي
أدري إنك تفهميها وما يبي لك ترجمه
سلهمت لي صورتك يا بنت والله سلهمت لي
سلهمت يا ليت والله ما انحرم هالسلهمه
صورتك في سلهمتها سائلتني شفت مثلي ؟
قلت أنا حاشى وكلا ولا بحلمن أحلمه