خسيتي ماتذليها - أكرم التلاوي
غاوي فقر قالت لي بهالصيغه وهالمضمون
وراحت في ملامحها غضب والنار تكويها
ترى فقري أبد مو عيب ولاني بالغنا مفتون
حياتي هي مثل ما هي أنا والله غاويها
تبيني خون أنا نفسي تظنيني أنا مجنون ؟
خلقني الله عزيز النفس تبي نفسي توطيها ؟
أميره آيه وش يعني , أبقضي العمر أنا مسجون ؟
أنا دنياي بايعها أبد ماني بشاريها
خسيتي إيه أرددها مره وميه ومليون
خسيتي كُبر هالدنيا حشى نفسي تذليها
أنا فقري كثر مالك كثر ما أمطرت المزون
حياتي أقسم بربي على ما هي راضيها
ما تفتني ّ أهدابك ولا رموشك ولا العيون
ولا حسنك ولا مالك ولا الدنيا وما فيها
أنا أبسط من أفكارك أنا أصعب بشر بالكون
وإن قلتي انت مغرور وش بيصير ؟ قوليها
أنا مغرور لي أب ٍ عزيز وجوهره مكنون
وأم ٍ يا عسى ربي على راسي يخليها
على الأخلاق ربوني وذكر الله ما ينسون
تبي مني أنا أخطي وراس أهلي أوطيها
بمالك ما شريتيني غريبه الدنيا شوفي شلون
وإنتي هم دفعتي المال لاجل نفسك تبيعيها