يالساني - أكرم التلاوي

يا لساني لا تقول اللي يضرّ ك
دام ما للهرج داعي ودام ماله منفعه

إحسب لقولك حساب ولا يغرّ ك
طول صمت الناس عنك في شتات المعمه

وإنتقي ذاك المقال اللي يسرّ ك
من لسان الناس فيك لو بلحظه تسمعه

وإرتشف عذب الكلام ولا يمرّ ك
علقمن من قول جاهل تعرف إنه( إمعه)

وإرفع النفس وترفع لا يجرّك
حرف جرن من ذليلن دوم راسك إرفعه

صون نفسك يالساني واجعل الألفاظ دُرّك
عِد للمليون أول قبل قولك تطلعه

وإعلم إنه تالي كل الكر ّ فرّك
والعيار ال ما يصيب الراس لازم يفجعه

واحذر إنك يوم تغرق وسط برّك
واللسان اللي يغِّرِّق واجب إنا نقطعه