يا أكبر همومي - أكرم التلاوي
تدرين وش معنى الملل ؟
إنيّ أعطي ..
وثم أعطي ..
وثم أعطي بلا كلل
ويوم أبي أبسط حقوقي
أرجع بخيبة أمل
مليت أنا
مليت من كثر الكلام
مليت من كثر التجني
والملام
مليت من جرح ٍ دملته
ثم عاود وانفتق
مليت من بحر ٍ غريب ٍ
كل موجاته غرق
مليت من طول الخصام
مليت من تكرار جرحك
والخطا
مليت من شُح العطا
ما عدت أبي وصلك أنا
ما عدت ابي منك غرام
برجع أنا طير ٍ طليق
أرفرف جناح الحمام
واذا اتعبتني رحلتي
اغمض عيون التعب
وارجع وانام
تصبحي على ألف خير
بقول لهمومي سلام
يا أكبر همومي
سلام