ياخي - أكرم التلاوي

يا خَيّ أعتم صبحنا اليوم يا خي ّ
ما عاد يظهر في نظرنا سراجه

يطلع علينا صُبحنا في وجه غيّ
والليل يمسي عاقد إلنا حجاجه

يوم العرب يا كُثرهم بس لا شيّ
ستين عام وما اصنعوا أي حاجه

مثل الشجر لا صار واقف بلا فيّ
ومثل المليك وطيحوا عنه تاجه

كم ميت ٍ ميت وفينا غدا حيّ
وكم حيّ حي ٍ مير ميت نتاجه

يومي نزلت البير أبحث على مي ّ
جفت شفاهي من كدره وهماجه

ويوم الأسود مصفده بضلعها كي ّ
وشهو الغريب إن خوفتنا دجاجه

بالأمس كنا ما لنا اشباه أو زي ّ
والدم حِنّه سيوفنا وابتهاجه

يوم المنادي كان يندَه بنا حي ّ
تلقى السباعي هاجم ٍ من خداجه

ويوم الأرض جدبا غدينا لها ري ّ
حنا السواقي ودمنا يا رواجه

إمن الكرم ينحر فرس حاتم الطي ّ
وإحنا نحرنا للوطن كل حاجه

واليوم صرنا يا خويي بلا ( خطي ّ )
يكسر خواطر وضعنا باعوجاجه

راحت أراضينا كذا شويه شوي ّ
واحنا التهينا كل من له مزاجه

منا التهى يومه لقى غر ٍ صبي ّ
ومنا اللي حصل بالتجاره خراجه

وكذا نسينا وصار باسم الوطن ( حي ّ )
نوقف على اطلاله كذا في سماجه

نكتب قصايد قافيتها على ( أي ّ )
ويا كُثر ( أيّات ) الصدر واختلاجه