هلا بغالي من ردودي - علي الجهامنة

هلا بغالي على قلبي احبه والهوى تقدير
تغلّى داخل عروقي تمكن من مساحاتي

سكن قلبي ولا قدّم حبيبي للقلب تفسير
احبّه والهوى عذري حبيبي هو سعاداتي

ابا ارسل بعض شوقي على جنح الهوى والطير
الى من يعتلى فكري واقدمّله تحياتي

سلامة قلبج الغالي فداج الروح والتفكير
فداج الكل من جسمي عيوني فوق دمعاتي

ابيج تسامحي قلبي على ما كان من تقصير
على لحظة عمر مرّت ولا وصلت سلاماتي

انا مثلج مريض انفاس همومي ما لها تدبير
على الله يا الغلا امري كثيره هي معاناتي

افارق شاشة الحاسب افكر بالفقر والغير
ديون الخلق تذبحني ولا تقبل شكاياتي

يمين الله يطاردني شبح ما يقبل التبرير
وشوقي للغلا اكبر يعيش بصوتي وسكاتي

سموحه يا الغلا منّج على مرسالي والتصوير
هذا اللي منع قلبي يسولفلج قراءاتي