نوف - حسين بن سوده
الله من قلب(ن) مولع وملهوف
صابر على جور الزمان وصروفه
بين الأمل واليأس والسمع والشوف
والحظ ولا حظ طول وقوفه
والحل والترحال والأمن والخوف
اعزف على أوتار الحياة امعزوفه
يالعنبو حظ(ن) حداني على نوف
ويازين حظه من غدت نوف نوفه
عن وصلكم يابنت حدتني اظروف
وعزي لمن مثلي تحده ظروفه
وماحدني خشيه من ارماح وسيوف
والمال من قله وكثرة الوفه
ماحدني غير أني انسان معروف
أفخر بربعي والرجال امعروفه
اهل الوفاء الي فيهم الطيب مألوف
وأكرم من الله شرفه في ضيوفه
لولا اختلاف اسلوم وطبوع ووصوف
مايأخذك غيري وعيني تشوفه
هذي النهايه قلتها منك مكسوف
ومن غيره الله مكتمل في وصوفه
تبقى لكم ذكرى معي داخل الجوف
وتزورني في كل لحظه طيوفه
يانوف هذا العذر والعب مكشوف
(ماهو بعذر الي يفرك كفوفه )
صغت أعتذاري لك بكلمات وأحروف
وارجوك قولي ماعليكم حسوفه