البنات - حسين بن سوده
لو تشوفيني تجاهلت البنات المعجبات
ماتجاهلتك وأنتي ساكنه بين اضلعي
أعتبرك القلب وجهه خامسه لأربع جهات
ينتظر لحظه على عرشه تجي تتربعي
شاف فيك اكبر حصانه في زمان الأنفلات
مانوى يخدعك وأنتي الي نويتي تخدعي
مابغيت الى تحلي بالصفات الطيبات
والخضوع اشهد بأني ماطلبتك تخضعي
كيف وأنتي في عيوني غير عن كل البنات
لو طلبتك ترجعي لي مارضيتي ترجعي
وأن رحلتي من سكات ماتركتك من سكات
ودي اعرف ليه تبغي من حياتي تطلعي
كانها اسباب الوشاة هكذا طبع الوشاة
ليه في حكمك علي دائماً تتسرعي
وكانها اسباب الفوارق في الطبوع وفالصفات
لم الاحظ أي فارق بين طبعك وأطبعي
قلت مايرضي ضميري ولأمل لامات مات
وفي الأخير انتي وكيفك تسمعي ماتسمعي