علي الحرام (ياهل العين) ! - حسين بن سوده

علي الحرام أن الوفاء طبع ف هل العين
وإذا خابت أفعال الرجاجيل ماخابو

طويلين الأيدي ماعلمنا قصير أيدين
على المرجلة شبو على المرجله شابو

يطيب الرجل من بعد مايبلغ الخمسين
وهم تحت عشرين السنة بالوفاء طابو

وإذا عدد أعيوب الأجاويد (بوقرشين)
هل العين مدحو في الأجاويد ماعابو

وإذا تنتخي ف الضيق برجال معروفين
يغيبون وأهل العين لبوْ ولا غابو

وإذا قلت دار الزين اي بالله دار الزين
ولو شك فيني بعض الأحباب وارتابو

وماهمني دام الوفاء طبع فهل العين
إذا خابت أفعال الرجاجيل ماخابو