المعاتب - خليفة بن راشد الوالي
ياسمايه إلي لثامك مالسحاب
ياقمر نص الشهر يانور عيني
المزون المغرقه تجلب خراب
مايفيد إلي هلك دمع الحزيني
الظلام الي نزل فيه الظباب
والبدر نوره عماني ياظنيني
التغلى لو كثر سبب عذاب
والتجافي زود اللوعات فيني
والمعاتب يوم لحن للعتاب
أدعي الله لايموتني غبيني
لا تنظن إن المحبة باجتذاب
مايفككها عتاب الظالميني
الظلم ظلمن ولو بين الدواب
لازمن ظلمه يتله بالجبيني
لازم الإنسان ينظر للصواب
يجمع أخصومه مدام انه رزيني
يحكم بذمه وخوفن مالحساب
والعواطف سرها ظلمن دفيني
بترك المحبوب لو عالي الجناب
تنخسف الأقمار.. يبقى الدين ديني
تثبت الأيام في كشف الحجاب
دعوة المظلوم يسمعها المتيني
كل هذا الي ذكرته بإحتساب
وأحمده ما دام ربي مبتليني