يوم الوعد - خليفة بن راشد الوالي
الهوى والشوق في يوم الوعد
كالقمر لي يحتضن نوره بسماك
ذايبن بالحب من عذب الشهد
وأرتوي من عين مصدرها شفاك
ماقدرت آعد وأحصي لك عدد
ما أنوجد رقمن يساوي مستواك
أنته أحلى شي في الدنيا إنوجد
ياحياتي ياحبيبي يا ملاك
لك تهيا جيش حبي ثم صمد
ردد بهمسة أحبك من صداك
يصدع بركن الحنايا والجسد
لين صار الكل يطلبني لقاك
أوعدك أسكن حياتك للأبد
وإن نويت البعد ببشر بالهلاك
ثوبيه بثوبك ولو تحت اللحد
تلتحم إيدي على لمسة يداك
نلجم أفواه البشر أهل الحسد
لي حضرنا صابهم منا إرتباك
هاك نوري يالغلا لا تبتعد
هات ليلك بس أبا أسمع نداك