ذبحني الشوق - خليفة بن راشد الوالي

ذبحني الشوق من بعدك حبيبي
تعال أحضن عيونك في شقايه

تعال وشوف قلبن بك صويبي
كساه الهم من صدك منايه

أشوف الموت يدنيني قريبي
أنا المجروح وانته لي دوايه

رفض عوقي لغيرك يستجيبي
ولا فاد المهدي في سمايه

طلبتك يا محبي لي تثيبي
رحمك الله وأرحمني كفايه

على طيفك وبظلالك أهيبي
عسى طيفي ينسيكم خطايه

مدام الود شلاله سكيبي
تعال أمطر وزيد الود مايه

أريد أرتاح ساعه من لهيبي
على حضنك وبسماتك معايه

دخيلك رد وأرحم لي نحيبي
قبل موتي وأعيشك للنهايه