فكك ضلوعي - خليفة بن راشد الوالي
خلنا نهمس فديتك بالعيون
نكشف اسرار المحبه ونستكن
فكك ضلوعي حبيبي ولا تهون
لك وهبت القلب واصبح لك سكن
ضلع يحميكم وضلع(ن) تحرقون
وضلع شمعه وادفن الي يندفن
قلبي وقلبك بحب (ن) ينبظون
واختلط دمي ودمك بالعلن
حبنا أكبر من الي يذكرون
حبنا يبقى على طول الزمن
الحظن دافي وانته لي زبون
لك ببيع ابلاش صدري والحظن
تمون وغيرك ياحبيبي مايمون
من جنوني بك عروقي تستجن
ولي رحلت بذكرياتك يالفتون
اذكر الي تستوا له كالوطن
يمكن اني ماوفيتك بالديون
بس عطيتك قلب رهنن مرتهن
وانت ياعمري فديتك يالحنون
عطني قليبك ولاتسأل لمن ؟