دنوا قميم الحب دني - خليفة بن راشد الوالي

بايت سهير آعد الأشعار
في شف محبوبن فتني

مالحور لا مايسكن الدار
وصفه من وصوفه ذبحني

سبحان من خلاه تذكار
رسمه اننحت فيني ومني

حبه لبسني لبسة الزار
والا التبست بلبس جني

باخط سريالي بالاسطار
وآخاف يخلفني بظني

القلب صابه وابل النار
يوم ابتعد مني وعني

كله من الحساد الأشرار
دنوا قميم الحب دني

والحين صار الحب تذكار
لوحه على برواز فني

يوم التفت وآزيح الأستار
صوره بها شخصن قتلني

آقول مدري شالذي صار
قلبك خليفه لي خذلني!