حي نود - زايد بن سلطان آل نهيان

حي نود هب له لفحه
أرق عيوني بلا احياده

عند يللي نظرته فلحه
من نظرها حرّم ارقاده

من جداهم نفسي شرحه
صوب غيره ماليه راده

هو دوا المصطاب من جرحه
وهو يصيد اللي بيصطاده

لي لفيته زادت الفرحه
ويشتفي قلبي من ايهاده

من سلوكه أو نفسه المرحه
ما استطيع أبعد عن بلاده

الملاحه فيك منشرحه
ضافيه وأكثر من العاده

ياسعادة قلبي او فرحه
انت لي مفنود بالساده

عيد يوم اشوف لك لمحه
والحشى عازل عن انهاده

رغبتي في وصلك إملحه
فوق ماتتصور ازياده

لك محيا بهجته سمحه
ماتحمل لحظة أبعاده

يود يسجي دارك البرحه
نبت عشبه زاد رواده

الحضر والبدور به مرحه
بالوطا وعالي انفاده