بوعيان نعّس - زايد بن سلطان آل نهيان
يعلّ يسقى يوم بالاجي
لي ايسلّي القلب ويريحه
نظرة من شوفه اعلاجي
ينعش اللي نفسه امسيحه
هوه لي لي في الحشا لاجي
فيه ما اسمع قول نصيحه
ولا عيوني اتخايل الباجي
او لا الضحل لي سده ايبيحه
بوعيان نعّس ادعاجي
هوه لي بعنيه وآصيحه
بو ثمان لولؤ ناجي
تشرح الخاطر تفاريحه
لي جماله فاج لي فاجي
لا و لا في الحور تمريحه
النهد في منحره لاجي
كامل الشايات والطيحه