عروس الشرق - سالم سيف الخالدي

يا عروس الشرق يا قلب الجزيره
يا وطن ما صار في الدنيا نظيره

اشمخي .. لك حق يا أخت الثريا
يا زهر .. والكون يتنفس عبيره

يا وطن بعيوننا تصبح وتمسي
لك غلا بقلوبنا ما حل غيره

إن بعدنا عنك . يرجعنا غرامك
والعيون بشوفتك تصبح قريره

افتخر .. لك حق تفخر وتتباهي
افتخر بوجود زايد والمسيره

قادنا للعز واسقانا حنانه
منعمين أحرار ما نشكي قصيره

بو خليفة عزنا يا عل يسلم
للوطن والشعب واحلامه الكبيره

شيخنا والمدح ما يوفيه حقه
وكل كلمة حب في زايد صغيره