شوق وعيد - عارف زينل
آخر لقانا كان يا شوق في العيد
والحين ثالث عيد قد مر دونك
أبكي وأرجع أمسح الدمع بالايد
وش فايدة دمعي وقلبك يخونك
صابر على فرقاك مثل الأجاويد
باقي على عهدك وقلبي يصونك
ليتك تعودي تفرجي عني القيد
وأعيش باقي العمر نور فعيونك
كنتي بالاول عند أهلك مثل صيد
صدتك وأنا نمّيت باقي فنونك
رحتي وصار العمر يعني لي البيد
وانتي الهوى عندك ببرق فمزونك
ماني منافق لا ولاني بعربيد
وماني مسيّر حتى انسى لحونك
سألي النشامى من ينادون صنديد
سألي المواقف من يكسّر ضنونك
مجنونه فوصلك وأنا سيد بن سيد
مجبور اصبر وآتحمل جنونك
عودي عليه وازرعي فيني الكيد
أوعدك ما أسألك إلا شلونك
بعدك طريت الشعر كله أناشيد
واليوم كل احروف شعري يبونك
وانتي فقصايدهم تعيشين ترديد
الله يكون فعون قلبي وعونك
ناسٍ تعيش بضحكة سنونك العيد
وناس اتمنى ضحكةٍ من سنونك