البوح - عارف زينل
ادري انكسرت ف عيونك وآنا مو قصدي
وادري الكسر ما تلمه رقة كفوني
خبرك عيوني مساجد والدمع عبدي
والقلب ساجد لها والادعيه جفوني
وياي كنتي ف ظروفي والا لو ضدي
في الحالتين اخسرك قلبي او عيوني
وشلون انظر عيونك والحيا جدي
وانتي تشوفين فوقك ينحدر كوني
يا طلة الفجر باهي كالهدى هدي
اطلبك سألي شروق الشمس عن لوني
ظلي مثل نار لا صار الزمن ندي
ربعي هم العار لا رخى الزمن جوني
ليت الوفا كالمرض في الناس بس يعدي
على الاقل من احبهم ما يخلوني
مدري اكمل او اني امسكه ردي
القلب فاطر وأغلى الناس صاموني