الحلم - عارف زينل

اسمع عن آخر حلم شفته برؤياي
أغلبه يصبح حق والله يهدي

تدري بنهاية قصتك إنت وياي ؟
صحرا وظلمه والمصيبه لوحدي

بعد الوفا والحب خانتني يمناي
جرحي نزف من قرب والقرب بعدي

بعض الجروح اتزول بالدمع والناي
والبعض تبقى لو بالارواح تفدي

جيتك أنا راجي سعاده بدنياي
شفتك عنا ما بين قلبي ورشدي

صبري بحوري موجها مثل مبداي
حلمي شعوري والصدق فيه شهدي

واصل دروبك بالهنا دون شرواي
وأنا بواصل حلمي ابوسط سهدي

مرساي ضايع وأصبح الحزن مرساي
وماعدت أميّز بين مزحي وجدّي

صبرت واجد والصبر فيه شكواي
مير الكواكب والمجرات ضدي

خلنا انتباعد والهنا عقب فرقاي
لادمع لاأشواق لاحلم يبدي

لتظن ودي بالمفارق يا مضناي
انصت لنبضي بعدها شوف خدي

بس القدر وده تخليه مسراي
هذا القدر في دنيتي مثل سدي

ارجوك لامن خذت موعد بنجواي
خل الذكر بالخير دايم يهدّي

رجواي تاخذ هالسحايب برجواي
واتهل فأرضٍ دون ناسٍ تعدّي