يجيني طيفك - علي بن سالم الكعبي
يجيني طيفك ويعدل مزاجي
وانا طبعي مثل طبعك مزاجي
اذا اصحى ولا القاك عندي
يهيم الشوق ويكدر مزاجي
اشوف الدار كالاطلال بعدك
وانا مااحتمل هجرك وبعدك
يانور الشمس مابين السحايب
يزيد الشوق في حضورك وبعدك
تذكرت الفرح في عهد ماضي
مضي والبعد مثل السيف ماضي
ظروف الوقت والأيام حالت
مضيت بظرف وانت بظرف ماضي
زماني سيفه الماضي يحدة
وانا صبري نفذ واجتاز حده
فراق الزين ادماها جروحي
جموح الشوق خفاقي يحده