خلك معي - علي بن سالم الكعبي
خلك معي يامهدي الجو لونين
فعلا جمالك نادرٍ عن جداره
لك في خفوق العين والراء مع الشين
يانبض قلبي رغبته واختياره
خدك عليه الشين والميم والسين
ومشربٍ منها بلون احمراره
وخدي عليه الدال والميم والعين
شوق اجتياحه شب حراق ناره
قد صاب روحي من ورا الميم لامين
عقبك وعافوف الوله شن غاره
اخذت من قلبي يازين حرفين
اول وثاني من بحور الغزاره
لك ميم لام وكاف بين الشرايين
تامر وانا لك طوع تحت الاماره
اسمك غلا واسمك هلا واسمك اسمين
منقوش في قلبي كنقش الحجاره