هلا بعودتك - مانع سعيد العتيبة
هلا بعودتك يابدر البدور
هلا بعودتك يالصبح المنير
تشرفنا وغمرنا السرور
ومن الفرحه خطر لنا نطير
حزنا من عقب بعدك دهور
اوبكينا لين ضيعنا المسير
اوعقب عودتك عاودنا النظور
مثل يعقوب ابصر بالبشير
انا اشهد ان لك معنى حضور
اولك مابيننا اكبر سفير
حرام اتم تلعب بالشعور
لمن حطك على قلبه امير
قبلت اتزيد ياسيدي غرور
اومن حقك يلي تامر به يصير
ياسيد الدور كيف اتدور دور
امرنا لك اولي بتدير دير
قبلنا من تعذرت العذور
اوسلمنا بتقرير المصير
فرشنا لك على دربك زهور
اوقبلنا ثرا فوقه تسير