مابطرش لك - مانع سعيد العتيبة
كل يوم الشوق عندي لك يزيد
ونت في راحات ماتسال
باتقرب لك يلو تبعد بعيد
لوتذير وتستوي شروات لال
عارفنه فيك هالطبع العنيد
يالحبيب ايلوق لك هذا الدلال
من اجل عيناك يالخل المجيد
بالصبر بسير لك في طول بال
مابطرش لك رسايل بالبريد
غير بالهاتف ببادر لتصال
انته راس المال اليه والخريد
والحياه والروح لي بعده محال
يامناة النفس يالريم العجيد
ياسفر لبلاد يانبع الجمال
لاتخليني بهالدنيا وحيد
زورني لوكان في طيف الخيال
يوم بك بفوز في يوم سعيد
واتكرم لي بقربك والوصال
ذاك عندي يوم مشهود وعيد
فيه انسي يكتمل والاحتفال
الجفا والصد كثره مايفيد
يتعب العشاق ويزيد العلال
من زمان الحب جبار شديد
مايحمله الا قوي الاحتمال