يامحمد - حمد بن ظافر العرجاني
الى الشاعر محمد عبدالعال العتيبي ..
يامحمد من سأل يعطى الجواب
والجواب اليوم منّك نرتجيه
انت لي مرجع كما وصف الكتاب
الجواهر والادب نلقاه فيه
دايما ً بالحق تنطق بالصواب
من سمع شورك ورايك مايتيه
خالكم مالذ له زاد وشراب
والسبب هجران من قلبي يبيه
هل اجازيه الهجر لو هو عذاب
او اوسط بالرضا من هو يجيه
ربما يسمح ويرسل لي جواب
لايصدق هرج كذاب وسفيه
ساعي بالشين جعله للخراب
مرتشي هذا وهذا يرتشيه
ماحلا عقب الهجر سمع العتاب
الهجر ماعاد والله نشتهيه
من تولع في هوى تلع الرقابك
كنه المجنون او هو له شبيه