دارين - دعيج البنعلي

البارحة ومن السهر أضنت العين
ومن التوجد عبرتي جف ماها

يوم ان رجلي عتبت درب دارين
ياليت رجلي خالفت في خطاها

مريت انا وبي من عنا البعد جرحين
واستبعدنّي جروحي وماحواها

جرح ٍ يناجي له ملوك وسلاطين
ديارهم تبكي على من بناها

ودروبهم قفرا ولابه نياشين
ينبيك عن سؤالها ماكفاها

هذي ترى أطلالهم والبساتين
وهذي مجالسهم خوت من وطاها

وهناك ميدان اللعب منوة العين
عرضاتهم دناّتها ماخفاها

وهناك شبة حرّهم والشياهين
وهناك لعبة ورعهم ماخذاها

وهذي مساجدهم وهذي الدواوين
حتى بقايا اخشابهم جا مداها

راحت جميع أطلالهم والعناوين
راحت وراحت شوفة اللي هواها

وان كان ذابت شمعتك آه دارين
جروحنا حتى الصخر ماقواها