أختي - دماث

بنت ياللي كل مامنك حبيب
أشهد إنك شيخة شيوخ البنات

تكتسين من الحيا ثوب رحيب
ويكتسيك من العقل زين السمات

مالحقتي كل منتوج غريب
ولا هتويتي مطر بين ومطربات

مايلام اللي غدى قلبه عطيب
وسمعتك زين على زين الصفات

كيف لو يدري عن الحسن العجيب
الحلا والملح والسكر نبات

والشقاوة وحكمة الشيخ المهيب
والعذوبة وأختصار الذوقذات

وحشمة تجرح عيون المستريب
والعباة الضافية ستر وحلاة

أختي ياللي بسلمك التسيار عيب
فدوة لك كل من راحت وجات

اشتكي لك يابعد طب الطبيب
غربة أيامي وهمي والشتات

رهبة أحلامي بذا الكون الرهيب
سطوة أوجاعي قلوب في سبات

طيبة عيت جروحي لا تطيب
نايم حظي وحزني مايبات

غايبة عني خيالك مايغيب
لو يموت الشوف في الذكرى حياة

أختي ياللي مابقى غيرك حبيب
فدوة آهاتك حياتي والممات