سيد الجرح - دماث
وش باقي عندك سيد الجرح هاته
وش كن ليلك للمجاريح وش جاب؟
غيري تهنى بعيشته في حياته
وأناحياتي شفتها من ورا الباب
مرت سريعه ما أخطأت بالتفاته
مرت وبيني وبينها ستر وحجاب
ياويل قلبي ركب الأيام فاته
كل تغير بس ذا القلب ماتاب
إنسان طيب مثل عيشه مماته
ومثل الندى روحه على ورد جذاب
يصحى بلحظة لاصحت ذكرياته
لحظة حياته كلها بوقت كذاب
مليون إيه وسجنها في شفاته
ومليون لاإن قالها صار في غياب
ذات عظيمه تحتضر وسط ذاته
توسدت كف الحزن بين الاغراب
ياما جرحوا حلمه وهانوا اعبراته
ياما سقوه من الألم دون ما أسباب
عايش وميت والبقا في حسناته
ميت وعايش والسما حفنة تراب