الشكل - عارف الهاشل
إذا كان الشكل همك وشكلي ماهـو المطلـوب
ترى عندك في همك حـق لأن كـلٍ وتفكيـره
تقع لطيور ع الأشكال أما النـاس بالأسلـوب
وانتي كبيره في شكلك أمـا بعقلـك صغيـره
من اللي قال لك باني رضيت آصير لك محبوب
حتى تغيري بشكلي على الموضة وعلى غيـره
أنا واحد يشرفني لبـس الغتـرة ويـا الثـوب
واحس إنـي بلياهـم .. فاقـد أشيـه كثيـره
روحي ودوّري للي مـن شخصيّتـه مسلـوب
رخم ما خلى من ضعفه أبـد لرجولتـه ِغيـره
أما آنه مثل ما آنه مسّلـم شكلـي للمكتـوب
مئامن في شئون الله وفـي خلقـه وتصويـره
على الفطره انا عايش وسط لا غالب او مغلوب
رضيت بكل شي فيني وشكرت الله على خيـره
أنا وآعوذ من كلمة أنا لي قلب يسوى قلـوب
إذا يوزن مـع أمثالـك يسـاوي منكـم ديـره
نعم لي قلب من ُخلقه يحب يشوفني محبـوب
وأحب أشوف له خلان تذكـر طيبـه وخيـره
ولا انظر ابـد للنـاس مـن أشكالهـم وآذوب
أموت بطيبة الإنسـان واذوب بُطهـر تفكيـره
فكونك إمرأه حلوه مايعني خاليه بـلا عيـوب
ولا يعني انك الأحلـى ولا الأذكـى ولا غيـره
تقع لطيور ع الأشكال واقصد عقلاً او أسلـوب
وانتي كبيرة في شكلك واسف في عقلك صغيره