متأسف.. - عارف الهاشل
تكفى لاتزعل .. وخل قلبـك كبيـر
هـذي الدنيـا ..تفاريـق و وصـال
وانت جيت اليـوم .. متأخـر كثيـر
تبغى حبي .. وصار لك صعب المنال
أدري عاشق وادري بوصوفك أميـر
بس غيرك ما ترك لك ..أي مجـال
حبني بجنون ... وخلانـي أطيـر..!
من بعد ما كنت .. انا بغربـه ليـال
لو معه يرضيك .. نتفـارق واحيـر
آنا مرضاهـا علـى ولاد الحـلال !
انت تدري زين مـن حـق العشيـر
يوفـي لخلـه ..وذا تـاج الجـمـال
بس انا أرجـوك .. تبعـد للأخيـر
خلنـي بظلـه ..ودور لـك ظـلال
بكرا تنسـى .. والامـل والله جديـر
يجمعـك باللـي .. يرّويـك الـزلال
ما هو ذنبي وكل مـا شفتـه يصيـر
ومنـت أول مـن تفاجـأ بالمحـال!
لاتجي وتسأل وتنـدم فـى الأ خيـر
عز نفسـك وافهـم حلـول السـؤال
انت جيـت بوقـت متاخـر كثيـر؟
وانـا متأسـف علـى أيـاة حال