الموت والتابوت - عبدالرحمن الخالدي
امانه لو رحلت فـ يوم / او عنك خذاني الموت
تعالي المقبره وقولي: احبك يا بعد ذاتي
قبل مَ الناس تدفنّي تعالي وافتحي التابوت
بتلقي صفحةً بيضا بها بعضٍ من ابياتي
كتبت اسمك على الصفحه / ومن هجرك كتبت بيوت
ولكن هالشطر هذا يبيّن كل معاناتي:
هجرتيني ورغم هذا ،احبك موت/ احبك موت
وهذي آخر حروفٍ حبرها كان دمعاتي
تذكرتك قبل موتي ومن بُعدك اجر الصوت
هقيتك تسمعي صوتي/ وتحسي ب نار آهاتي
ذبحني زود حرماني وشوقٍ داخلي مكبوت
ذبحني طاري غيابك ..وانا غرقان ب سكاتي
نطقتي طاري الفرقا وانتي شِفتّك من توت
بعد ما توتك احياني ،ذبحني وزاد طعناتي
انا ادري هالرسالة جات وادري فاتني كل فوت
وصيّه جاتك بشعري وهي آخر رسالاتي:
عقب ما ينتهي دفني تحطي فوق قبريNote
وقولي " الخالدي " هذا .. هلك من كثر صداتي