عمى - عبير بنت أحمد
عمى يعمي عدوك ! وش بقى بي خافي ٍ ما بان؟
لنا كم عام واحنا ما نحب .. وليتنا نكره
اقول " اليوم شكلي بعشق اللي برجه الميزان "
ولا منِّي ذكرتك قلت.." شكلي..بعشقه بكره ! "
لو إني لين جيت ازعل دريت انك بتهوى.. كان
اذا حتى الغضب لاجلك يدوووخ وينقلب سكره !
حشا مأهديك بيت ٍ قايله غيري ولوهو ْجنان
لأنّه ما وصل شاعر.. معاني عشقي ْبفكره !
وعشقي لو بأقوله؟ ما تعبِّر عَبرة ٍ وْ لسان
وتبطي ما بعد جابت قواميس العرب مَكره
وكلْما حاولوا يملون قلبي بالقساوه... لاااان
ابد ما كنّه الا سخرة ٍ لك راضي و مُكره !
تمنيت اربعة أشيا.... ابيها كان حظي زان
وغير الأربعه لك كل شي ٍ فِيّ محتكره
1/ أقسِّم بيننا حبي 2/ وأدبِّل عمرنا أزمان
3/ ونسكن وحدنا العالم4/ ونوفِي ربّنا شكره
بسْ الله يرحم امك كم لنا واحنا ورا البيبان؟!
تبي تفتح لنا .. والا .. نروح ..ونعشقك بكره