قمة وصيت - لولوه الخليفه

كمل على ما مطلعه كيتٍ وكيت
كمل على فن الذي قد تحداك

أقصاه نظم ٍ جاك ما قَصته جيت
جبته على طاريك باسمك ومن فاك

لا فظ فوك أسألك وش غاية البيت
تتبعه لو قادك أو أقبل ولافاك؟

قالوا لك الشعر شهرة قمة وصيت!؟
عداك إن القاع هو اللي يسقاك

يا السامع إشهد قال من عقب يا ليت
ليتك تخضعين الحكي ال شكله عراك

واتدخلين آهين كالشهد في زيت
أو تطربي السماع غنجٍ من شفاك

ما أكبرها عند الله إذا لمثلك أصغيت
وإذا إن مثلي بها الغطا جت على ماك

لو إني من أهل الزايلة ما تغطيت
ولو إني من أشباه الغنم سرت مرعاك

ما لمثل هذا بالشعر قط تمنيت
وماني من اللي يتبعن يلي ما أغباك

اللي هنا مثل الجبل ما ترقيت
وأنا أنا حُر الجبل ما اسكن أبراك

وهذا قصيدي لا انكتب قبلته البيت
وإن ما عجب لا يسمعوا من تحداك